ФОРМУЛА 1
Иако освојувањето на шампионатот во Индикар му гарантира на возачот 40 поени потребни за суперлиценца, секоја друга позиција во врвните 10 дава помалку од тоа. Во Ф2, првите три позиции во првенството носат по 40 бода. За Индикар постои лизгачка скала на поени за пониски позиции. Но, подолу, сите места во Ф2 носат повеќе од истата позиција во Индикар, пишува „Би-би-си“
Формула 1 треба да го промени својот систем за квалификации за возачи за да им олесни на возачите на Индикар да се приклучат кон Ф1, вели шефот на Мекларен Рејсинг, Зак Браун, пренесува „Би-би-си“. Ред Бул беше спречен да потпише со Американецот Колтон Херта за 2023 година, бидејќи тој немаше доволно поени во системот на „суперлиценца“ на Светската автомобилска федерација (ФИА), пишува „Би-би-си“.
Браун рече дека суперлиценцата „околу Индикар треба да се прегледа“ и Индикар треба да се третира на ист начин како Формула 2 во системот на квалификации. Мекларен му даде тест на Колтон Херта годинава, како и на двајца други возачи на Индикар, шампионот од 2021 година Алекс Палу и сопствениот возач на Мекларен, Пато О’Вард.
Иако освојувањето на шампионатот во Индикар му гарантира на возачот 40 поени потребни за суперлиценца, секоја друга позиција во врвните 10 дава помалку од тоа. Во Ф2, првите три позиции во првенството носат по 40 бода. За Индикар постои лизгачка скала на поени за пониски позиции. Но, подолу, сите места во Ф2 носат повеќе од истата позиција во Индикар. Токму овој диспаритет го спречи Херта да добие суперлиценца, пишува „Би-би-си“.
Ред Бул сакаше 22-годишникот, кој е седумкратен победник во Индикар и се смета за еден од најталентираните конкуренти, за нивниот тим Алфа Таури во 2023 година, да го пополни местото испразнето со преселбата на Пјер Гасли во Алпине. Но Светската автомобилска федерација одби да направи изземање за Херта, па Ред Бул наместо тоа се сврте кон поранешниот шампион во Ф2 и Формула Е, Ник де Вриј.
