Здрава храна
Сезоната на мандарините започнува, а ова овошје се препорачува да се јаде често, бидејќи е богато со витамин Ц, го штити нашиот имунитет во студениот период и ни помага да ја одржиме витата линија. Јадењето цитрусно овошје има многу здравствени придобивки, но мандарините може да ги надминат.
Го намалуваат воспалението: Тие му помагаат на телото да се бори против воспалителните процеси благодарение на витаминот А. Антиоксидантите се борат против воспаленија и акутни болести, но можат и да ги намалат долгорочните ефекти на овие процеси врз телото.
Го зајакнуваат имунолошкиот систем: Мандарините му помагаат на имунолошкиот систем да ги открие, а потоа да ги уништи штетните патогени организми и на тој начин ни помагаат да се заштитиме од грип, на пример, во сезоната што претстои.
Го штитат срцето: Срцето е одговорно за пумпање крв и е неопходно за одржување на сите главни функции на телото. Мандарините може да помогнат во заштитата на срцето од ефектите на слободните радикали и воспалението.
Го регулираат крвниот притисок: Освен што се добри за срцето, мандарините може да помогнат за одржување здрав крвен притисок, бидејќи содржат многу калиум. Калиумот ги шири крвните садови и на тој начин помага за подобра циркулација на крвта.
Го забавуваат стареењето на кожата: Мандарините се многу ефикасно природно оружје против предвременото стареење и генерално лошата кожа, најмногу поради големото количество витамин Ц.
