Властите на Северна Кореја можат да ја вратат можноста за користење на еден од тунелите на полигонот за нуклеарни тестирања Пунгери во провинцијата Хамгјонг Пукто во рок од еден месец. Ова денеска го објави јужнокорејската агенција Јонхап, повикувајќи се на извори во јужнокорејската влада и вооружените сили.
Според агенцијата, претходно властите на КНДР се обиделе да го расчистат блокираниот влез во третиот тунел, но сега градат спореден подземен премин кон него. „Нагло ја прекинаа реставрацијата на влезот во третиот тунел и сега копаат обиколница. Со оваа одлука реставрацијата е можна за еден месец“ – изјавил изворот.
Како што објаснува Јонхап, на полигонот се изградени четири тунели, третиот и четвртиот претходно не биле користени за нуклеарни проби. Според извори, состојбата на третиот тунел се оценува како подобра од онаа на четвртиот. Според експертите, КНДР би можела да тестира мало тактичко нуклеарно полнење во тунелот, кое би можело да биде поставено на балистичка ракета, пред или по Денот на Корејската народна армија (25 април).
Во 2018 година, Пјонгјанг го објави отстранувањето на нуклеарната постројка Фунгери како гест на добра волја пред разговорите со САД за нуклеарно разоружување. На 24 март 2022 година, вооружените сили на КНДР ја лансираа интерконтиненталната балистичка ракета Хвасун-17 по директна наредба на претседателот Ким Џонг-ун. Јужнокорејскиот претседател Мун Џе-ин го нарече лансирањето прекршување на доброволниот мораториум на Пјонгјанг за лансирање интерконтинентални балистички ракети и нуклеарни тестови.
