Полицијата поднесе кривична пријава против 28-годишна жена од Дебар која физички го малтретирала нејзиниот син и го терала да питачи.
Според информациите на МВР, М.Н.(28) е приведена поради постоење основи на сомнение за сторено кривично дело „запуштање и малтретирање на дете“.
Таа, околу 15.30 часот на улицата „Климетица“ во Струга физички го нападнала својот осумгодишен син и го присилувала да питачи.
Од полициски службеници и претставници од Центарот за социјални работи детето било пренесено во Општата болница во Струга каде му била укажана лекарска помош и констатирани телесни повреди, по што било пренесено и сместено во Јавната установа „Мајчин дом за доенчиња и мали деца“ во Скопје.
