Генералниот секретар на ООН, Антонио Гутереш, рече дека вакциналниот национализам е голема грешка и дека производството на вакцини за коронавирус треба да се зголеми двојно.
– Некои нации го вакцинираат своето население многу брзо, но сепак имаме земји, особено оние во развој, каде што повеќето не добиле ниту една доза. Значи, генерално, имаме драматична разлика помеѓу земјите кога станува збор за вакцинацијата – рече Гутереш за руските медиуми.
„Значи, вакциналниот национализам е голема грешка. Јасно ми е дека светското производство на вакцини мора да се удвои за да се исполнат сите потреби и затоа мора да соработуваме, особено оние земји што имаат капацитет за производство на вакцини“, рече првиот човек на Обединетите нации.
