ФУДБАЛ – ВО 4. КОЛО НА ЛИГАТА НА ШАМПИОНИТЕ
- Хари Кејн постигна гол во десет последователни натпревари во Лигата на шампионите, надминувајќи ги Роберт Левандовски и Руд ван Нистелрој и има еден меч помалку од рекордерот Кристијано Роналдо
Кристијано Роналдо го држи рекордот за постигнување барем еден гол во најмногу последователни натпревари во Лигата на шампионите (ЛШ) со својата серија од 11 натпревари во периодот од 2017 до 2018, но напаѓачот на Баерн, Хари Кејн, го брка тој рекорд сезонава, пишува Европската фудбалска унија (УЕФА).
Погодокот на Кејн во третото коло против Арсенал го направи напаѓачот на Баерн вториот играч по Роналдо што ја затресе мрежата во десет последователни натпревари во најсилното клупско фудбалско натпреварување во Европа.
Освојувачот на „Златната топка“ за 2026 година би можел да го израмни рекордот вечерва, кога германскиот тим ќе игра на гости со Атлетико, во Мадрид, пишува УЕФА.
Рекордната серија од 11 натпревари на Роналдо почна со неговите два гола во победата на Реал Мадрид на дуелот со Јувентус со 4-1 во финалето на Лигата на шампионите во 2017 година, а потоа тој постигна гол во сите шест натпревари од групната фаза во сезоната 2017/2018 и во по два натпревари од осминафиналето и од четврт-финалето, за Реал Мадрид со Пари сен Жермен, односно со Јувентус. Роналдо постигна гол вкупно 17 пати во тие 11 натпревари.
Од другите фудбалери, серија од по девет натпревари со постигнат погодок имаа Руд ван Нистелрој (во дресот на Манчестер јунајтед, од 2002 до 2003 година) и двапати Роберт Левандовски (за Баерн, 2019-20 и 2020-21), осум има Кристијано Роналдо (Реал Мадрид, 2013-14)…, пишува Европската фудбалска унија.
Во 4. коло на Лигата на шампионите вечерва играат Галатасарај – Штутгарт, Шахтер – Спортинг (двете од 18.45 часот), Атлетико Мадрид – Баерн, Феенорд – Интер, Бодо/Глимт – Лил, ЛАСК – Слован, Вилјареал – Пари сен Жермен, Барселона – Астон вила и Манчестер јунајтед – Рома (сите од 21 ч.). Утре се среќаваат Фенербахче – Ливерпул, АЕК – Реал Мадрид (двете од 18.45 ч.), Борусија Дортмунд – Бетис, Славија – Арсенал, Порто – Наполи, ПСВ Ајндховен – Клуб Бриж, Лајпциг – Манчестер сити, Ленс – Комо и Викинг – Сабах (сите од 21 часот). Н.М.
Голови на најмногу мечеви по ред во ЛШ
Кристијано Роналдо (Реал Мадрид, 2017-18) 11
Хари Кејн (Баерн Минхен, 2026-сега) 10
Руд ван Нистелрој (Манчестер Јунајтед, 2002-03) 9
Роберт Левандовски (Баерн Минхен, 2019-20) 9
Роберт Левандовски (Баерн Минхен, 2020-21) 9
Кристијано Роналдо (Реал Мадрид, 2013-14) 8
статистиката е само за фазата по групи до финалето
Извор: УЕФА
