Глобалната пандемија дефинитивно ги смени речиси сите аспекти од нашите животи. Значи, дури и нашите рутини за убавина не останаа имуни. Бидејќи салоните и велнес-центрите се затворија, многу лица се принудени истовремено да се фризери, козметичари и дерматолози. Експертите сметаат дека 2021 година ќе биде пресвртна точка за индустријата. Подолу наведуваме кои ќе бидат најголемите трендови за убавина во 2021 година.
Скинимализам: скинимализмот е нов бран на природна, минимална убавина. Тоа е изглед на природна кожа, но посјаен. Можеби не е комплетно нов концепт, но во свет каде што ретуширањето и идејата за совршена кожа сè уште се многу раширени, тоа е знак дека многу луѓе сакаат да се оддалечат од овие нереални стандарди за убавина. Така, се предвидува зголемената популарност на обоени навлажнувачи, ЦЦ-кремови и серуми за нега на кожата.
Здравје на косата: фокусот е на маските за коса и третманите на скалпот што може да се користат дома. Исто така, забележано е зголемување на потрагата по производи за нега на косата на најпопуларните веб-продавници за убавина за дури 62 проценти. Но има и многу маски за коса што можете да ги направите дома за здрава и густа коса.
Холистичка нега на кожата: холистичката нега на кожата дефинитивно ќе биде актуелна. Тоа е стара практика, која вклучува третирање на кожата на „целосен“ начин. Ова значи дека тоа е многу повеќе отколку да користите голем број производи за чистење на лицето и навлажнувачи. Холистичката нега на кожата е чин на внимателно формулирање производи и избор на одреден животен стил за усогласување на умот и телото.
Смели бои: боите од 1980-тите се вратија со стил. Заборавете на неутралните и придушени тонови. Време е да станете креативни и да користите бои за да создадете нешто смело и уникатно. Експертите предлагаат интензивни бои за сенки за очи. Со овој тренд, само небото е граница, а можете да бидете креативни колку што сакате.
