Пратеникот Јоргос Лазаридис, денеска соопшти дека си заминува од неговата партија Независни Грци. Причините за оваа одлука официјално не се познати, но грчките медиуми шпекулираат дека Договорот за името е главната причина Лазаридис да стане независен пратеник.
Како што јави дописничката на МИА од Атина, во случај тој да не го отстапи неговото место на друг член од Независни Грци и остане независен пратеник, тогаш значи дека парламентарното мнозинство на коалициската влада е 152 пратеници, и се доближува до најниската граница од 151 пратеници.
Ова е втора „загуба“ за Независни Грци, откако на гласањето недоверба на владата пред 10 дена, Димитрис Каменос ја поддржа иницијативата на Нова демократија и беше избришан од партијата.
