На Водно викендов ќе се одржи ридско-брзински натпревар, на кој се најавени 30-тина домашни натпреварувачи.
Организаторите најавуваат враќање на Водно на автомобилистичкиот календар и бодување на трката за македонскиот државен шампионат.
Двете тренинг сесии се предвидени за сабота со почеток во 10 часот, а в недела по 11 часот ќе се возат првата и втората трка.
Македонската јавност во текот на овој викенд, за првпат ќе може да го види новиот автомобил подготвен по ТЦР спецификација со кој Игор Стефановски Иџе настапува во европскиот шампионат. Љубителите, исто така, ќе имаат можност за промотивно возење.
