Ако трчате да избегате од вашите проблеми, влегувате во зоната на станување зависник од вежбање. А како што откриле истражувачите од Норвешкиот универзитет, околу еден од четири случајни тркачи покажува знаци на зависност. Тие се откажуваат од времето поминато со најблиските за да трчаат и искусуваат симптоми на одвикнување кога не можат да трчаат.
Студијата откри кои типови луѓе би можеле да бидат најзагрозени. Истражувањето, во кое учествуваа 227 рекреативни тркачи, ја откри најсилната врска со зависноста од вежбање меѓу оние што ги блокираа негативните мисли со трчање. Од друга страна, оние што го подобриле својот живот со трчање имале помали шанси да станат зависни.
– Луѓето што го користат трчањето за да избегаат од своите проблеми, ќе откријат дека тоа е лошо за нив. Тие може да станат зависни и, откако ќе тргнат на трчање, дури и да почувствуваат срам и депресија – вели професорот Фроде Стенсенг, кој учествувал во студијата.
За луѓето на возраст од 19 до 64 години, 150 минути умерена физичка активност неделно или 75 минути интензивна физичка активност се сметаат за оптимални.
