Кралската двојка тивко прослави пет години брак, без да објави некакви фотографии на социјалните мрежи. Принцот Хари негираше дека има луксузна хотелска соба во која наводно престојува сам, во близината на својата куќа во Калифорнија. Војводата од Сасекс (38), кој има четиригодишен син Арчи и 23-месечна ќерка Лилибет со сопругата Меган, војвотката од Сасекс (41), исто така наводно има уште едно ексклузивно скривалиште во Лос Анџелес, каде што вежба, работи и понекогаш преноќува. За Хари се вели дека има приватна соба во хотел во близината на заедничкиот дом со Меган во Монтесито и бунгалов во Сан Висенте, приватен клуб за членови со строги правила за заштита на приватноста на гостите.
Клубот во Западен Холивуд им забранува на посетителите да се фотографираат внатре во местото, а кога ќе пристигнат им се ставаат налепници преку камерите на нивните телефони. Исто така на гостите им е посочено да не разговараат за ништо што членовите или нивните гости ќе видат за време на својата посета и забрането им е да им се приближуваат на другите членови во клупската зграда. Цената за годишен наем е 3.200 фунти. Апликантите мора да ги провери комисија пред да им биде одобрен прием во клубот.
Хари и Меган во петокот тивко ја прославија годишнината од бракот, без да споделат фотографии. Двајцата неодамна се најдоа на насловните страници, откако нивниот претставник изјави дека ги бркал автомобил со папараци кога биле во Њујорк. Медиумите пренесоа дека имало немилосрдна потера по кралската двојка и дека за малку бил избегнат судир со други возила и повредување пешаци.
