Кога станува збор за повеќето хранливи материи, можно е да добиете сѐ што ви треба со јадење широк спектар целосни намирници, но витаминот Д е редок исклучок од правилото.
Иако експертите препорачуваат возрасните да се стремат кон 600 ИУ витамини дневно, тој се наоѓа само во тесен избор на намирници, како што се мрсна риба, јајца, печурки, збогатено млеко и житарки, што го отежнува постигнувањето на препорачаното количество само преку исхрана. Наместо тоа, повеќето луѓе го добиваат од директно изложување на кожата на природна сончева светлина или преку додатоци во исхраната. Меѓутоа, многу луѓе сè уште се борат да добијат доволно витамин Д на дневна основа.
Всушност, широко цитирана студија од 2011 година објавена во списанието „Нутришн рисрч“ известува дека 42 отсто од возрасните во САД имаат недостиг од витамин Д и, иако тоа е чест проблем, последиците можат да бидат загрижувачки.
Вашите коски може да ослабат
Еден од најчестите симптоми на недостиг од витамин Д е грчеви во мускулите или мускулна слабост.
– Недостигот од витамин Д може да доведе до губење на мускулната маса и сила, што резултира со мускулна слабост. Тоа е затоа што витаминот Д ја регулира хомеостазата на калциумот, кој е неопходен за правилна мускулна контракција и опуштање на мускулите – објаснува Дениз Пејт, сертифициран лекар по интерна медицина на Менхетн.
Ерика Арагона, докторка по семејна медицина и велнес-експертка за „Биошел“, вели дека тоа е затоа што витаминот е неопходен за вашето тело да апсорбира калциум и фосфор.
– Ако вашето ниво на калциум опадне, вашето тело може да се обиде да компензира со зголемување на функцијата на друга жлезда, паратироидната жлезда, во обид да го избалансира нискиот калциум. Кога овие нивоа се абнормални и вашето тело забележува хронично низок калциум и висок паратироиден хормон, може да почувствувате неколку симптоми. На крајот, ова може да доведе до зголемена инциденца на повреди од пад, особено кај постарите лица – додава Пејт.
Можеби сте изложени на поголем ризик од депресија
Арагона вели дека оние со недостиг од овој конкретен витамин може да бидат изложени на поголем ризик за депресија, иако таа забележува дека студиите сугерираат дека многумина не успеале да воспостават причинска врска.
-Директната врска сè уште не е позната, но постојат неколку различни теории. Едната е дека луѓето што веќе страдаат од проблеми со менталното здравје може да бидат поповлечени, уморни и со помала веројатност да излезат надвор и да бидат изложени на сонце. Јадете добро избалансирани оброци што содржат доволно витамин Д. Друга теорија е дека нискиот витамин Д предизвикува малапсорпција на многу повеќе хранливи материи отколку само калциумот, а како што се зголемува складирањето, може да се зголеми нарушувањата на расположението – додава таа.
Можеби сте изложени на поголем ризик од одредени болести
Покрај тоа што е клучен за одржување здрави коски, мускули и заби, Пејт истакнува дека недостигот од витамин Д е поврзан со неколку хронични болести. Поточно, студија од 2017 година објавена во медицинското списание „Ејџинг енд дезис“ покажа дека недостигот од витамин Д игра улога во развојот и прогресијата на неколку хронични болести, како што се кардиоваскуларни болести, дијабетес и одредени видови рак.
Може да страда и вашиот имунолошки систем
– Витаминот Д е од суштинско значење за регулирање на имунолошкиот систем и промовирање на функцијата на имунитетот. Се покажа дека витаминот има имуномодулаторни својства, а неговиот недостиг е поврзан со зголемен ризик од автоимуни болести и инфекции – додава Пејт.
