Пиперките се распространети низ целиот свет и ги има во сите кујни, но тие не се само вкусна туку и многу хранлива и здрава храна. Ги сакаме пиперките во салати, полнети, печени и, всушност, речиси на секој начин. Тие се достапни во сто бои и форми, а светските кујни досега смислиле безброј начини да го извлечат максимумот од нив, со што да ги комбинираат и како уште повеќе да го нагласат нивниот природен вкус.
Бојата на пиперките покажува колку се зрели, па зелените обично се најгорчливи, а како што зреат, нивната боја станува пожолта, портокалова или црвена, а вкусот станува посладок. Пиперките се распространети низ целиот свет и ги има во сите кујни, вклучително и во нашата, но тие не се само вкусна туку и многу хранлива и здрава храна,
Пиперките се богати со железо, но и со витамин Ц, кој ја подобрува апсорпцијата на железо, па затоа се одличен сојузник во превенцијата од анемија предизвикана од недостиг од железо, на што се особено склони децата, жените во репродуктивна возраст и бремените жени.
Тие се полни со антиоксиданти, вклучувајќи витамини А и Ц, бета-каротен и фенолни соединенија. Овие антиоксиданти можат да помогнат во спречувањето воспалителни состојби како што се некои видови рак, кардиоваскуларни заболувања и невролошки нарушувања. Жолтата пиперка има највисока антиоксидантна активност.
Пиперките содржат витамин Ц, бета-криптоксантин, кверцетин и лутеолин, кои имаат антиинфламаторни својства. Тие можат да помогнат во ублажување на симптомите и хроничната непријатност од воспаление поврзано со артритис, поради што пиперките се на листата на храна што лицата што страдаат од артритис треба често да јадат.
