Научете правилно да пиете вода и отфрлете ги вообичаените заблуди што ја придружуваат оваа секојдневна навика
Во денешниот свет, полн со различни опции и информации, важно е да знаете како да се грижите за своето тело на вистински начин. Без оглед на тоа колку вода пиете дневно, постојат многу суптилни аспекти што можеби не сте ги разгледале. Преку овие десет чекори откријте како да ги подобрите вашите навики за пиење вода и да се осигурите дека вашето тело го добива тоа што му е потребно за здравје и виталност.
Користите шишиња со БПА
БПА е кратенка за хемиската супстанција бисфенол А. Таа се користи во производството на различни производи, вклучувајќи ги и шишињата со вода. Меѓутоа, истражувањата покажуваат дека БПА може да се пренесе на храна и пијалак. Исто така, постои загриженост дека прекумерната изложеност може да доведе до вродени дефекти. Потребни се повеќе истражувања, но експертите веруваат дека оваа хемикалија може да игра улога и во некои здравствени состојби. Тие вклучуваат висок крвен притисок, хормонална нерамнотежа, дијабетес тип 2 и кардиоваскуларни болести. Изберете шишиња со вода што се без ознака БПА или направени од стакло или не’рѓосувачки челик, пишува „ВебМД“.
Верувате во митот за ладна вода
Ладната вода не ги стеснува крвните садови, ниту го отежнува варењето. Тоа е само лесен начин да се разладите и хидрирате кога ви е топло. Ако сте настинати, топлата вода ќе ви помогне да ја разредите слузта, но тоа е тоа.
Додавате исечкано овошје или зеленчук
Ова може да ја направи вашата вода повкусна и освежителна. Но, ако не сте внимателни, може да ја зарази и со бактерии што се пренесуваат преку храна како салмонела и ешерихија коли. Тоа е затоа што кога кората не е чиста, со сечењето во внатрешноста се пренесуваат бактерии. Овошјето и зеленчукот исечени на истата штица што се користи за сечење сурово месо исто така може да доведат до болест. Исто така, производите што не се чуваат на соодветна температура може да ги предизвикаат овие болести. Овошјето и зеленчукот задолжително мијте го или тријте го под млаз вода.
Не пиете вода со алкохолни пијалаци
Алкохолните пијалаци дејствуваат како диуретици, што значи дека го поттикнуваат телото да произведува повеќе урина. Честото мокрење може да доведе до дехидрација. За да го избегнете тоа, усогласете ги вашите пијалаци еден на еден: тоа значи една чаша вода за секоја шолја кафе или алкохолен пијалак.
Не ја пиете целата чаша со апчиња
Немојте да пиете само доволно вода за да ги проголтате апчињата. Витамините и лековите искористете ги како можност за хидратација. Пиењето полна чаша вода исто така помага лековите да не се заглават во хранопроводот и да не предизвикаат иритација. Исто така, тоа му помага на телото подобро да ги апсорбира витамините растворливи во вода.
Во водата додавате што било вештачко
Во ред е тоа да го правите повремено, но не се препорачува да го правите секој ден. Истражувањата покажуваат дека вештачките вкусови и засладувачи може да го зголемат ризикот од дијабетес тип 2 и рак. Тие исто така можат да направат да се чувствувате гладно. Обидете се да избегнувате сѐ што содржи шеќер, сируп од пченка со висока фруктоза, аспартам или сукралоза. Наместо тоа, користете лимон, лимета, нане, билки или краставици. Но не заборавајте прво да ги измиете.
Не пиете вода кога сте уморни
Се чувствувате уморно и не знаете зошто? Тоа може да биде знак за дехидрација. Не мора да бидете болни или физички да се напрегате за да дехидрирате. Секојдневно губите вода преку основните функции на телото како што се дишењето и празнењето.
Не му посветувате доволно време на пиењето вода
Неколку чаши вода се во ред, но не опивајте се веднаш по будењето. Нема докази дека тоа го подобрува вашиот метаболизам. Исто така, не сакате да пиете многу пред спиење и да ја поминете цела ноќ во бањата. Тоа го нарушува сонот. Наместо тоа, пијте полека во текот на денот. Експертите препорачуваат не повеќе од еден литар вода на час.
Пиете вода од река или поток
Природните извори на вода можеби изгледаат бистро и чисто, но многу работи можат да ги загадат. Тие вклучуваат отровни растенија, животинска урина и измет и незаконско ослободување хемикалии. Третирајте ја природната вода со таблети за филтрирање или филтри за вода пред консумирање.
Не пиете доволно вода
Вашето тело главно е составено од вода и ја користи на многу начини. Таа го помага варењето и може да го олесни запекот или проблемите со дебелото црево. Исто така ги излачува токсините, го спречува создавањето камења во бубрезите и ја хидрира кожата. Препорачаното минимално дневно количество е 11,5 чаши за жени и 15,5 чаши за мажи.
