РАБОТЕН ВЕК
Секоја недела, Кетлин Дејвис, водителка на поткастот „Новиот начин на работење“, одговара на најбитните прашања поврзани со работното место. Едно од нив е како можеме да ја подобриме меморијата? Според неа, тоа е едно од најитните прашања, затоа што често забораваме на повеќето детали од нашите животи: разговорите, луѓето, настаните, книгите, идеите, дури и цели години од животот, кои бледнеат со текот на времето. И нешто од тоа е во ред бидејќи повеќето информации не се важни на долг рок, но, за работите што сакаме да ги запомниме во работата и во животот, постојат неколку начини на кои можеме да го тренираме нашиот мозок да се држи до она што сака да го запомни.
Набројуваме неколку од тие начини што се поддржани од невронауката.
1. Користете мемориски трик.
– Открив дека сортирањето факти и информации во песна или мнемонички уред е корисно. Според невронаучниците, луѓето можат да задржат само три-четири информации одеднаш, па затоа можеме да се обидеме да ја измамиме таа граница со подредување на информациите на делови. На пример: ги научив моите деца да го запомнат мојот телефонски број со тоа што го претворив во песна – вели Дејвис.
2. Фокусирајте се на она што сакате да го запомните.
– Се надевам дека ги знаете замките на мултитаскингот. Поголема е веројатноста да направите грешки, ќе ви биде потребно подолго време за да ги завршите задачите и нема да запомните многу од она што сте го направиле. Значи, логично е дека еден од најдобрите начини за запомнување на работите е да се фокусирате – вели таа.
Одвлекување на вниманието е прв чекор.
– Пред да се омажам, сите ми велеа дека денот на мојата венчавка ќе биде заматен и дека нема да се сеќавам многу на тоа. Така, на денот, среде еден убав момент, се погрижив да застанам и да си речам дека во иднина ќе се сетам на тој момент. Дванаесет години подоцна сѐ уште се сеќавам на тие моменти – вели Дејвис.
3. Запишувајте.
Неколку научни студии открија дека фаќањето белешки на лаптоп не е толку ефикасно за задржување на информациите како пишувањето белешки со рака. Дел од причината е тоа што треба да забавите за да се фокусирате кога пишувате рачно.
– Прво, ако фаќам белешки рачно на состанок, морам да користам сопствена стенографија, која обично се состои од многу кратенки и целосно запишување на секој четврти збор – несовршен метод, но метод што ме принудува да се сетам на разговорот и да ги пополнам празните места кога ги пишувам моите белешки подоцна. Другиот начин е рачното пишување. Го користам методот на списание – „една реченица на ден“ и тоа го правам речиси една деценија. Открив дека читањето на оние мали дневни детали, кои често се забораваат, е доволно за да го зајакнам сеќавањето на деновите што инаку би биле заборавени – советува Дејвис.
