Рајскиот архипелаг во Индиски Океан, кристално чистите води на Малдивите, белиот песок и скриените заливи и лагуни со децении ги привлекуваат љубителите на луксузот и „одморот од соништата“. Во последните две години многу работи се променија, вклучувајќи го и поимот луксуз.
Природно растојание
Малдивите го задржаа статусот на луксузна дестинација и пред и за време на пандемијата, овој пат најмногу поради можната оддалеченост и приватност што се можни на островот. Имено, иако на населените острови има пансиони и хотели, повеќето од одморалиштата се наоѓаат на ненаселени приватни острови со по едно одморалиште, пишува „Би-би-си“.
Исто така, архитектурата што се негува на Малдивите е таква што сѐ е отворено, хотелски лобија, ресторани, барови, па природната вентилација е секојдневие. Нема лифтови или заеднички простории, туку сместувањето е претежно во бунгалови и изолирани вили.
– Изгледот на вилите овозможува природно социјално дистанцирање низ целиот остров. Нашите гости претпочитаат да уживаат во удобноста и приватноста на бунгаловите и поголемиот дел од денот да го поминуваат на плажа, во вода и нуркање. Сето ова е, всушност, средина на природно растојание што нема никаква врска со пандемијата – вели Ендрју Јансон, директор на првото одморалиште на Малдивите.
Сепак, мерките против пандемијата на ковид-19 постојат, важат и се почитуваат, а една од специјално дизајнираните е мобилната апликација за бесконтактно пријавување и одјавување, за резервација на екскурзии и други активности.
Желбата за луксуз
Стресот и напорот на кој луѓето беа изложени за време на пандемијата ги зголемија очекувањата на патниците, а и по пандемијата, туристичките работници очекуваат дека стандардите и очекувањата од патувањата само ќе растат.
– Луксузните патувања ќе бидат во првите редови на постпандемиските трендови. Имаше многу принудни заштеди, така што очекуваме повеќе трошења во периодот што следува – вели Катерина Антониу, предавачка на Кипарскиот универзитет за туризам.
Поперсонализирана иднина
Откако пандемијата ќе стивне, Антониу вели дека патниците, најверојатно, ќе бидат попребирливи и помалку подготвени да направат компромиси за стандардите.
– Мислам дека масовниот туризам заѕвони и ќе биде популарно место за луѓето што го прават патувањето позначајно. Мислам дека луѓето се желни за искуства, за да почувствуваат нешто повеќе за време на одморот. Потребата за социјално дистанцирање, секако, ќе згасне – вели Антониу, која смета дека во иднина зборот луксуз, пред сѐ, ќе се поврзува со бегство од реалноста, секојдневието и обврските.
