Папата Франциск ќе претседава со папскиот погреб на Бенедикт Шеснаесетти со некои адаптации, бидејќи тој не бил владејачки папа оставајќи зад себе „sede vacante“ или празен престол.
– Литургиското славење го следи моделот на погребна служба за првосвештеник, општо земено – рече Матео Бруни, директор на прес-службата на Ватикан.
Ќе вклучи некои нови елементи со оглед на оригиналноста на ситуацијата и ќе ги изостави другите што се резервирани за владејачкиот папа, како што се последните молитви што ги нудат претставниците на источните католички цркви со кои папата е во заедница.
На крајот од Реквиемската миса, Бенедикт Шеснаесетти ќе биде однесен во Ватиканските Пештери под базиликата „Свети Петар“, каде што неговиот ковчег од чемпрес ќе биде поставен во залемен цинков ковчег, кој, пак, ќе биде ставен во дрвена кутија и закопан во гробот, претходно окупиран од Јован Павле Втори до неговата беатификација во 2011 година.
