На 23 и 24 декември со две изведби од 11 и 13 часот, премиерно ќе биде изведена преставата ‘’Приказна за фамилијата Мраз” во градското кино Милениум.
Главните актери во преставата, Ненад Митевски, Бојан Кирковски и Наташа Петровиќ кој помладата публика добро ги препознава од своите омилени претстави во нивниот матичен „Театар за деца и младинци”, ќе се обидат на комичен, едукативен и крајно забавен начин ја пренесат новогодишната магија кон најмладата публика.
Преставата говори за магичен свет, во кој постојат дури двајца „Дедо Мразовци”. Преку ликовите, најмладите ќе се запознаат подобро со “проблемите со кои се соочуваат двајцата помошници на Дедо Мраз, Тони и Ѕвони”, како и незгодите и збрките кои ќе ги предизвикаат помошниците на братот на Дедо Мраз, Црни и Токсик чија намера ќе биде „да се упропасти Новата Година”.
Од кино Милениум и МКЦ ветуваат одлична забава за најмладите, но и за возрасните присутни со своите најмили.
Билети за преставата може да се најдат на онлајн линкот за продажба www.bileti.mkc.mk или на билетарницата на киното Милениум по цена од 300 денари.
