Словачка ќе престане со субвенциите за обновливи извори на енергија
Словачка ќе ги прекине субвенциите за обновлива енергија до 2026 година, а шефот на регулаторот за енергија во земјата, Јозеф Холенчик, предупредува на „шпекулантите“, „бизнис-лоби организациите“ и притисокот за „зелени идеологии“.
Овој потег ќе влијае на околу 600 производители на обновлива енергија, вклучително и 89 оваа година. Јозеф Холенчик, долгогодишен критичар на обновливите извори на енергија, постојано го осудува „хаотичниот“ развој на обновливите извори на енергија, што го попречува нејзиното широко усвојување.
Сончевата и ветерната енергија се несигурни, дури и во традиционално прообновливите земји, рече тој, додавајќи дека „здравиот енергетски микс“ во ЕУ треба да се изгради на нуклеарна енергија.
Што се однесува до индивидуалците, односно граѓаните, „тие треба да бидат слободни да инвестираат во соларни панели или топлински пумпи за нивните домови, но државните субвенции не треба да доаѓаат на сметка на словачките и граѓаните на ЕУ“ или да имаат корист од шпекулантите и „политичките пропагандисти на зелената идеологија“, вели Јозеф Холенчик, долгогодишен критичар на обновливите извори на енергија како сѐ уште немоќни и недоразвиени за да може да обезбедат сигурна и константна енергетска поддршка за стопанството.
Словачката регулаторна управа за мрежни индустрии соопшти дека привилегиите за пристап до мрежата ќе останат, но субвенциите за повластени тарифи – финансирани преку сметките за електрична енергија – ќе бидат укинати.
– Ако операторите не добијат поддршка и се принудени да продаваат по пазарни цени, честите негативни цени може да ги натераат да ја преиспитаат можноста за одржување на нивните капацитети за обновливи извори на енергија – рече аналитичарот Јан Пишта за „Еурактив“.
Намалувањето на уделот на обновливите извори на енергија во Словачка, додаде Пишта, може да го отежне постигнувањето на климатските цели на ЕУ.
Комисијата веќе ја разгледува ревидираната цел на Словачка за обновлива енергија од 23 отсто до 2030 година, недоволно со оглед на вкупната цел на ЕУ од 42,5 отсто.
– Изненадувачки е што словачкиот регулатор е толку антизелен – рече Јан Караба од Словачката асоцијација за одржлива енергија. Тој тврди дека падот на трошоците и подобрувањето на ефикасноста на ветерот и сончевата енергија ја обезбедуваат нивната растечка глобална улога.
Караба укажа на податоците од здружението „Винд Јуроп“, истакнувајќи дека најголемите зголемувања на капацитетот на ветерната енергија се забележани не само во земјите што долго време зависат од фосилни горива како Германија и Обединетото Кралство туку и во земјите што традиционално се потпираат на нуклеарна енергија, како што е Франција.
Но резултатите од истражувањата за испорачаниот капацитет на зелена енергија во Словачка не го покажуваат тоа.
