Здравствената состојба на 17-годишната Алејна Олмез, која беше спасена од под урнатините во Турција 248 часа по разорните земјотреси, ги изненади лекарите, јавува новинската агенција „Анадолија“.
По првиот преглед во Универзитетската болница „Сутџу Имам“ во Кахраманмараш, Алејна била префрлена во Анкара.
Новинарите ја прашаа Алејна за нејзиното здравје.
„Добро сум, благодарам“, одговори кусо 17-годишната девојка.
На прашањето што се случувало под урнатините, Алејна рече: „Немав ништо, бев сама“.
248. SAATTE YENİ MUCİZE
Kahramanmaraş’ta Kayabaşı Mahallesi Atabey Apartmanı’nda 17 yaşındaki Aleyna, depremin 11. gününde enkazdan sağ çıkarıldı. Ekipler şimdi kardeşi Miraç için seferber oldu. pic.twitter.com/tVQxy8dc2m
— 24 TV (@yirmidorttv) February 16, 2023
Лекарот Џенгиз Дилбер рече дека е неверојатно што Алејна се наоѓа во толку добра здравствена состојба со оглед на тоа што била под урнатините 248 часа.
Седумнаесетгодишната Алејна Олмез беше спасена од урнатините во населбата Кајабаси во Кахраманмараш по 248 часа поминати под урнатините.
