Се сруши дел од мостот кон граничниот премин Градишка на босанскохерцеговската страна од границата, поради што во моментов е затворен сообраќајот за сите возила кон граничниот премин.
Хрватскиот автоклуб соопшти дека поради оштетување на мостот меѓу граничните премини Стара Градишка во Хрватска и Градишка во Босна и Херцеговина, сообраќајот е прекинат во двата правци.
Според првичните неофицијални информации, нема повредени лица, а повеќе детали за инцидентот се очекуваат во текот на денот.
Во моментов не е познато ниту како дошло до уривањето на дел од мостот.
