Работник во ресторан на авенијата „Истиклал“, каде што се случи експлозијата во Истанбул во која најмалку шест лица загинаа, а 53 се повредени, го опиша инцидентот во изјава за „Ројтерс“.
– Кога ја слушнав експлозијата, се замрзнав. Луѓето само стоеја во место и се погледнаа. А потоа почнаа да трчаат. Што друго можете да направите – изјави Мехмет Акус, додавајќи дека веднаш по експлозијата му се јавиле роднините.
Иако причината за експлозијата не е официјално потврдена, турскиот претседател Реџеп Таип Ердоган изјави дека првичните информации укажуваат дека станува збор за терористички напад. Тој го осуди нападот и вети дека казната ќе ги снајде сторителите.
