Фото: Пиксабеј

Грција

Таксата за престој во туристичките објекти, од 1 јануари, Грција ја замени со нова такса, за отпорност на климатската криза во висина од 50 центи до десет евра на ден, во зависност од видот на сместувањето и временскиот период од годината.
Во согласност со одлуката што е објавена во „Службен весник“ на Грција таксата ќе ја плаќаат гостите на крајот од нивниот престој и се однесува на дневно користење по соба или стан, а ќе важи и за сместувањето „Ербиенби“.
Во текот на туристичката сезона, односно во периодот од март до октомври, таксата е 1,50 евро за хотелите со една и две ѕвезди, за собите за изнајмување и за сместувањето преку „Ербиенби“.
За хотелите со три ѕвезди, таксата е три евра, за оние со четири ѕвезди се зголемува на седум евра, а за хотелите со пет ѕвезди и за вилите е десет евра.
Во периодот од ноември до февруари висината на таксата е пониска. Досега во Грција се плаќаше такса за престој, воведена во 2016 година и беше меѓу 50 центи и четири евра во зависност од туристичкиот објект.