СКИЈАЧКИ СКОКОВИ – ТИМСКИ НАТПРЕВАР
На екипните скијачки скокови во Закопане (Полска), австрискиот тим (Даниел Чофениг, Михаел Хејбоек, Стефан Крафт и Мануел Фетнер) победи пред домаќините со разлика од само еден поен, пишува Интернационалната скијачка федерација (ФИФА) на својата интернет-страница. Германскиот тим се најде на третото место, а потоа следуваа Словенија, Норвешка, Финска, САД и Чешка.
– Тоа беше навистина одличен натпревар за нас, атмосферата во Закопане е секогаш исклучително добра. Борбата со екипите од Полска и од Германија беше навистина тешка и пресреќни сме што успеавме да победиме – вели Крафт.
Полскиот тим беше во состав Давид Кубацки, Камил Стох, Пјотр Жила и Павел Васек.
– Беше навистина тешка трка што ја водевме до последната секунда. Штета што на крајот не беше доволно, но така тоа е во спортот и мора да го прифатите тоа. Второто место е добар резултат за нас, ќе уживаме и мислам дека нашите тренери ќе потврдат дека направивме добра работа. Исто така, беше одлично да се почувствува старата атмосфера во Закопане, тука секогаш е многу посебно искуство – рече Кубацки.
Во германскиот тим беа Карл Гајгер, Маркус Ајзенбихлер, Андреас Велингер и Филип Рајмунд. Вчера на програмата беше натпревар во поединечна конкуренција.
