Медицински совет
Неврологот Ричард Рестак открива дека луѓето што имаат проблем со извршување едноставни, но важни задачи во текот на денот, може да биде знак дека имаат проблеми со меморијата. Заборавањето работи како што се клучеви, очила или паричник е доста вообичаено, но заборавањето на некои од активностите што ги правите секој ден, како што е четкањето на забите, е еден од предупредувачките симптоми на деменција, односно аларм за посета на лекар.
– Неможноста да се извршат високопрактикувани активности и покрај нормалната мускулна сила може да укажува на апраксија, еден од четирите симптоми идентификувани кај пациенти со Алцхајмерова болест – рече Рестак.
Во својата нова книга „Како да се спречи деменција“, тој наведува други знаци на деменција што најпрво може да се појават во секојдневните активности. Тој објасни дека не станува збор за заборавање како да се изврши некоја задача или за недостиг од сила, туку проблемот е да се координираат сите дејства и мисли правилно и во низа.
– Лице со апраксија може да препознае, па дури и да именува четка за заби и паста за заби, но можеби нема да може да го изврши дејството на стискање на пастата на четката за заби – истакна тој.
Тој исто така наведува дека можеби некому му е тешко да ги мие забите правилно бидејќи не може да ги натера мускулите да работат заедно. Поради овој проблем со мозокот, луѓето можат да паднат, да имаат проблеми со зборувањето и да имаат сериозни тешкотии со облекувањето или миењето.
Но, четкањето на забите може да биде симптом и на други здравствени проблеми. Значи, друг знак за потенцијален проблем е амнезија или едноставно заборавање на работите. Рестак ја нагласува важноста на одржување на мозокот активен бидејќи е поврзан преку меѓусебно поврзани неврони. Затоа тој препорачува луѓето да имаат некои активности, како што се решавање загатки и слично. Рестак зборува и за афазија, што е тешкотија во разбирањето или користењето на вистинските зборови. Тој предупредува да не поминувате денови сами гледајќи телевизија без да комуницирате со други луѓе.
