Медицински совет
Дали ви се случува да видите нешто како честички прашина пред вашите очи кога се обидувате да се фокусирате? Можно е да имате проблем со „лебдечки честички“, кои најчесто се резултат на стареењето и последователното собирање на колагенските влакна што создаваат ситни сенки на мрежницата. Тие можат да изгледаат како црни или сиви точки, како конци или пајажина. Се движат додека ги движите очите и обично брзо се лизгаат надвор од видното поле кога се обидувате да погледнете директно во нив. Тие се најзабележливи кога се гледа во светла монохроматска заднина, како и во сино небо или бел ѕид. Можно е овие форми на крајот да се смират и да испливаат надвор од видното поле. Ако забележите ненадејно зголемување на лебдечките честички, веднаш посетете очен специјалист – особено ако видите блесоци на светлина со нив или делумно го губите видот. Тоа може да бидат симптоми на итен случај што бара медицинска помош. Веднаш контактирајте со офталмолог доколку забележите: значително повеќе лебдечки честички од вообичаено, ненадејна појава на нови честички, блесок на светлина во истото око каде што гледате лебдечки честички, сивкаста завеса или заматена област што блокира дел од вашето видно поле. Овие безболни симптоми може да бидат предизвикани од кинење на мрежницата, но таа може и целосно да се откачи. Тоа е состојба опасна по видот и бара итна медицинска помош.
Иако овие промени обично се случуваат кај луѓе на возраст меѓу 50 и 75 години, тие може да се појават на која било возраст. Исто така постои поголем ризик да се појават вакви проблеми доколку сте кратковиди или сте имале операција на катаракта. Иако честичките обично не влијаат на видот, тие може да укажуваат на посериозна состојба. Во ретки случаи овие промени може да се појават и како резултат на некои болести на очите, повреда на очите или дијабетична ретинопатија, проблемот може да биде предизвикан од наслаги на кристали во стаклестото тело, но и од тумор на окото. Препорачливо е да се јавите на лекар доколку покрај честичките чувствувате и други симптоми како заматување на видот, темна сенка што покрива дел од видот или болка во окото. Доколку лебдечките честички се слаби и не се поврзани со други проблеми со очите, можете да се навикнете на нив, а експертите препорачуваат уште неколку совети: јадете балансирана исхрана богата со витамин А што може да придонесе за здравјето на очите – земајте додатоци за очи, вклучувајќи витамин А, омега-3 масни киселини и цинк; правете вежби за очи, како што се бавни движења на очите, тоа може да ја подобри циркулацијата во очите; откажете се од пушењето, бидејќи тоа може да ја подобри и циркулацијата на крвта; избегнувајте напрегање на очите со намалување на времето поминато пред екран и филтрирајте ги силните светла со помош на регулатори и очила за сонце.
