Новоизбраниот министер за здравство Сашо Клековски денеска официјално ја презеде функцијата од својот претходник Азир Алиу, на примопредавање одржано во Министерството за здравство.
Како што информираа од Министерството преку објава на Фејсбук, на средбата двајцата разговарале за досегашните проекти, тековните процеси и приоритетните активности во здравствениот сектор.
Клековски е еден од осумте нови министри избрани на синоќешната собраниска седница, на која беше изгласана реконструкцијата на Владата.
Пред назначувањето за министер, Клековски ја извршуваше функцијата директор на Фондот за здравствено осигурување. На неговото место во Фондот доаѓа Златко Перински, кој претходно беше министер за локална самоуправа.
