Туризмот може да биде корисен затоа што обезбедува финансиски средства и поттик за чување на културната историја, местата на локалното наследство и обичаите. Го поттикнува интересот за локалните занаети, традиционалните активности, песните, игрите и усните истории. Тој обединува народи со различни потекла, култури и традиции.
Ова го порача претседателот на Собранието Талат Џафери на втората сесија „Културата и туризмот како приоритет во соработката меѓу земјите од ЈИИ“ во рамките на 13-тата конференција на Јадранско-јонската иницијатива што се одржува во Тирана.
-Туристите споделуваат нивни искуства и спомени за местата што ги посетуваат и луѓето што ги среќаваат, помагајќи на тој начин за промоција на мирот и толеранцијата-рече Џафери.
Тој нагласи дека е потребна соработка во туризмот зашто, како што кажа, носи изложување на искуства, средини, системи и различни начини на работа и помага во растот, вмрежувањето и прилагодувањето на оваа индустрија.
-Кога соработувате помеѓу тимовите, вие ги разбирате подобро клиентите и нивните потреби. За да конкурира на светскиот туристички пазар, една компанија треба да ја зголеми својата способност за да постигне да ги услужи и задоволи целните пазари, намалувајќи ги трошоците. Правењето сојуз честопати е најефикасниот и најефективниот начин за постигнување на овие двојни цели-посочи претседателот на Собранието.
Како што кажа, патувањето со размена на сместувачки капацитети и други предности е највообичаениот пример на соработка во туризмот.
-Работејќи заедно со други бизниси и туристички имоти во соработничкиот туризам, вие создавате подобро искуство за посетителот и охрабрувате повеќе спиења. Треба да целиме кон развој на сеопфатен туристички пакет, кој го надминува класичниот туризам, додавајќи ги гастрономскиот, медицинскиот туризам и додавајќи го и културниот аспект-порача Џафери.
Културниот туризам, додаде, нуди силна мотивација за чување на елементот на културното наследство во туристичките дестинации, како важни атракции.
-Повеќето позитивни влијанија на туризмот во културата ги опфаќаат зголемувањето на меѓу-културното делување, разбирањето и чувањето на уметностите, занаетите и локалните традиции, зајакнување на заедниците кои нудат сместувачки капацитети и зацврстување на културните вредности-рече Џафери и нагласи дека културата и туризмот имаат корисен реципрочен однос кој може да ја зголеми атрактивноста на регионите и земјите.
Според него, културата е се позначаен елемент на туристичкиот продукт затоа што креира различитост во глобалниот пазар. Тоа подразбира вид на туристичка активност во кој основниот мотив на посетителот е да научи, да открива, да доживува и восприема допрени и недопрени културни атракции во една туристичка дестинација.
-Туризмот на културното наследство може да се дефинира како патување за доживување на местата, објектите и активностите што ги претставуваат на автентичен начин луѓето од минатото и сегашноста, опфаќајќи ги културно историските и природни извори. Со ограничено време и определен буџет, патниците се пред тешка одлука да изберат каде да патуваат. Работејќи заедно со другите дестинации, вие може да ги зголемите посетите што ќе се одрази на сте капацитети во зоната. Патниците имаат потреба за правење на одредени работи, за места за јадење и спиење за време на патувањето. Тие нема да ја посетат истата туристичка атракција или пак нема да јадат во истиот ресторан повеќе дена-посочи Џафери.
Работејќи заедно, соработувајќи во маркетингот, порача, се прави подобро искуство за посетителот и се охрабруваат другите за посетување на нашите земји.
