Обединетите Арапски Емирати (ОАЕ) извршиле серија воени напади врз Иран што Техеран сака да ги премолчи
Обединетите Арапски Емирати (ОАЕ) наводно тајно извршиле воени напади врз Иран, објави американски „Волстрит џурнал“ во понеделникот, повикувајќи се на извори запознаени со ова прашање. Вклучувањето на ОАЕ во конфликтот можеби би претставувало значително поместување на тежата на силите во војната, ставајќи ги ОАЕ во директен воен конфликт против Иран.
Според известувањето на „Волстрит џурнал“, ОАЕ извршиле серија воени напади врз Иран што јавно не ги признале, вклучувајќи го и нападот на почетокот на април врз рафинерија на иранскиот остров Лаван во Персискиот Залив. Нападот предизвикал голем пожар и со месеци го исклучи поголемиот дел од капацитетот на објектот, изјавија за публикацијата извори запознаени со ова прашање.
Иран ја опиша експлозијата во тоа време како непријателски напад и одговори со бараж од ракетни и беспилотни летала врз ОАЕ и Кувајт. Иранските сили извршија силни напади врз ОАЕ за време на војната, лансирајќи повеќе од 2.800 ракети и беспилотни летала кон територијата на ОАЕ, што е повеќе во однос на која било друга земја од Персискиот Залив, според податоците на американскиот весник..
Извештајот на „Волстрит џурнал“ доаѓа откако американскиот претседател Доналд Трамп предупреди во понеделникот дека прекинот на огнот со Иран „едвај се одржува во живот“ поттикнувајќи загриженост дека 10-неделниот конфликт би можел да се интензивира по кратка кревка пауза. Отфрлањето на одговорот на Иран на мировниот предлог на САД, од страна на Трамп во текот на викендот, ја зголемува неизвесноста, сигнализирајќи дека дипломатските напори не даваат резултати. Р.С.
