ВЕЛОСИПЕДИЗАМ – ГРАНТУР-ТРКА ВУЕЛТА
Австралискиот велосипедист Џеј Вајн од тимот УАЕ Емирати мина прв низ целта во шестата етапа на грантур-трката Вуелта (Шпанија), која се возеше од Олот (Шпанија) до Пал (Андора). Делницата долга 169,3 км, тој ја мина за четири часа 12 минути и 36 секунди.
Велосипедистот, пак, од тимот на Бахреин, Торстен Тран од Норвешка, кој втор ја заврши етапата со 54 секунди заостанување, го искористи слабиот пласман на дотогаш водечкиот Данец Јонас Вингегор и го презеде водството во генералниот пласман (вкупно време 20 часа, 25 минути и 46 секунди), додека Италијанецот Лоренцо Фортунато од тимот на ХДС Астана беше трет, со една минута и 10 секунди заостанување зад победникот во шестата етапа.
Тран сега е прв во генералниот пласман пред возачот на тимот Декатлон АГ2Р, Бруно Армираил од Франција, кој е 31 секунда зад првиот во генералниот пласман, додека Фортунато е трет со една минута и една секунда заостанување. Следната етапа, долга 188 км, на распоредот беше вчера, од Андора ла Вела до Серлер, Шпанија. Г.И.
