Жителите од општина Пласница од денес своите здравствени услуги ќе ги добиваат во нов објект за Здравствен дом чија изградба штотуку заврши. За изградба на овој Здравствен дом главниот товар го понесоа Министерството за здравство, а учествуваше и турската агенција за развој и соработка ТИКА.
-Нашата општина доби нов Здравствен дом каде во неспоредливо подобри услови жителите од нашата општина ќе добиваат здравствени услуги. Здравствениот дом располага со повеќе простории опремени со неопходниот вид на помагала а ќе се работи во две смени поточно од 8 наутро до 19 часот навечер и во секоја смена ќе има лекар. Покрај општите здравствени услуги, вложуваме напори во новоизградениот Здравствен дом да проработи и стоматолошки оддел каде граѓаните на нашата општина ќе добиваат и ваков вид на услуги а се отвори нова аптека. За да се опреми новиот Здравствен дом голем придонес даде и Турската агенција за развој и соработка ТИКА – истакна градоначалникот на општина Пласница, Алија Јаоски. З.А.
