ПРИМЕНА НА ВЕШТАЧКАТА ИНТЕЛИГЕНЦИЈА
Покрај одговарањето на географски прашања, „Сигма џиографи“ може да ги поврзе генерираните текстуални одговори со фотографии од географски пејзажи, тематски карти или шематски графикони за да им помогне на корисниците да ги разберат текстуалните одговори на повизуелен и имагинативен начин
Подготви: Христо Ивановски
Во четвртокот во Пекинг беше претставен мултимодален голем јазичен модел за географски науки (ЛЛМ), прв од таков вид во светот. Тоа би можело да ја поддржи интеграцијата на географијата и вештачката интелигенција и да помогне да се забрзаат географските откритија, објави „Чајна дејли“.
Моделот, наречен „Сигма Џиографи“, беше развиен од тим истражувачи од Институтот за географски науки и истражување на природните ресурси (ИГСНРР), Институтот за истражување на тибетското плато и Институтот за автоматизација, сите под Кинеската академија на науките и други организации.
– „Сигма џиографи“ може да одговори на професионални географски прашања, да анализира географски написи, да преземе барање и длабинска анализа на географски податоци и да црта тематски карти – рече Су Фенжен, заменик-директор на ИГСНРР.
Су наведе дека во споредба со општите ЛЛМ, „Сигма џиографи“ има подлабоко разбирање на јазичните обрасци, терминологија специфична за доменот и професионалното знаење во областа на географијата, овозможувајќи ѝ подобро да се справи со специјализираните прашања.
– Покрај одговарањето на географски прашања, „Сигма“ може да ги поврзе генерираните текстуални одговори со фотографии од географски пејзажи, тематски карти или шематски графикони за да им помогне на корисниците да ги разберат текстуалните одговори на повизуелен и имагинативен начин – додаде тој.
Функцијата асистент за истражување развиена од тимот, базирана на „Сигма џиографи“ може да ги заврши процесите како што се разбирање концепти, стекнување податоци, анализа на информации и мапирање според корисничките упатства и на крајот да генерира професионални географски графикони што им се потребни на корисниците.
Моделот може да помогне да се прошири разбирањето на општата јавност за географските науки и да ги поддржи академските истражувања и студии за откривање големи географски научни откритија.
Досега, „Сигма џиографи“ е користена од над десет труда објавени во академски списанија.
Тимот ќе продолжи да ја надградува „Сигма џиографи“, за да овозможи да ги разбереме мапите и да создаде платформа за да им се олесни на научниците и истражувачките тимови да соработуваат преку споделување податоци, модели и истражувачки идеи.
