Техно
Компанијата „ОпенАИ“ развила интерни алатки за жиг и следење на содржината генерирана од вештачката интелигенција со 99,9 проценти точност. Но оттаму одбиваат да ги објават за јавноста. Ефективните алатки од овој вид би можеле да бидат корисни во голем број ситуации, од откривање измамници до сортирање на отпадот создаден од вештачката интелигенција што ја полни мрежата.
Според медиумите, компанијата почнала да разговара за потребата од функционална алатка за жиг или софтвер што ја вградува ознаката бидејќи се работи за содржина генерирана (делумно) од вештачката интелигенција, дури и по појавата на ЧетГПТ во 2022 година. Софтверот за кој станува збор беше создаден набргу потоа. Наводно, работи со 99,9 проценти точност кога се применува на доволно обемен текст создаден со ЧетГПТ.
Во април 2023 година, глобалното истражување спроведено од „ОпенАИ“ откри огромна поддршка од пошироката јавност за имплементација на овие алатки. Друго истражување, пак, спроведено истиот месец меѓу корисниците на „ОпенАИ“, сепак, покажа дека 30 отсто од неговата база на корисници рекле дека ќе престанат да користат ЧетГПТ доколку започне со користење жигови.
„ОпенАИ“ рече дека двоумењето е мерка на претпазливост. Тоа е, посочија, технички ветувачки метод што доаѓа со „важни ризици“. Затоа, тие се одлучија за поумерен пристап.
