ФУДБАЛ – УЕФА
Првите две недели од Европското првенство (ЕП во Германија во десетте града домаќини ја покажаа популарноста на турнирот не само во Европа туку и низ светот, пишува Европската фудбалска унија (УЕФА).
- Десетте навивачки зони во градовите низ Германија беа посетени од над 3,3 милиони луѓе за време на групната фаза. Овие зони нудат различни интересни активности, привлечни за фудбалските вљубеници и за случајните посетители, вклучувајќи семејства, млади, возрасни и деца. Мини-терените се покажаа особено популарни, постојано исполнети и со деца и со возрасни. Денови со највисока посетеност досега беа 19 јуни и 23 јуни, со вкупни бројки во сите навивачките зони од 430.000, односно 440.000 луѓе.
- ЕП 2024 поставува рекорди за ТВ-публиката во земјите на репрезентациите учеснички, а глобалниот интерес за натпреварувањето останува многу високо, бидејќи турнирот останува на пат да постигне глобална кумулативна публика над пет милијарди гледачи, пишува УЕФА.
l Официјалните канали за социјални медиуми на ЕП 2024 на Тикток, Инстаграм, Фејсбук, Икс и на Вотсап привлекуваат повеќе од 7,5 милиони нови следбеници во текот на групната фаза, со што вкупниот број следбеници надминува 66 милиони. Овие канали акумулираа над 145 милиони ангажмани и 1,35 милијарда прегледи на видеа, повеќе прегледи од целото ЕП 2020, а драмата од нокаут-фазата допрва следува. - Како што претходно беше најавено, 85 отсто од 2,7 милиони билети се ставени на располагање на пошироката јавност и навивачите на репрезентациите, со што се осигура дека масовната публика од целиот свет го прославува ЕП 2024 во спектакуларна атмосфера. Повеќе од 1,8 милион гледачи присуствуваа на натпреварите од групната фаза на десетте стадиони.
- Примарната цел за значително намалување на воздушниот сообраќај на натпреварувачките селекции досега е постигната благодарение на блиската соработка со релевантните национални асоцијации. Групната фаза донесе 75 отсто намалување на бројот на летови од учесниците во споредба со изданието од 2016 година, а повеќе селекции користеа автобуси и возови. Гледачите исто така одржливо патуваа низ Германија.
- УЕФА надгледуваше 622 профила на социјалните мрежи со кои управуваат сите вклучени на ЕП, вклучувајќи играчи, селектори и селекции. По групната фаза, 308 објави на социјалните мрежи беа подобни да бидат пријавени на платформите на социјалните медиуми за отстранување, при што пријавените објави се отстранети во просек по само 75 минути, пишува УЕФА. Н.М.
