„Спејс-екс“ планира да ги отстрани постарите сателити „старлинк“ од орбитата за да го намали бројот на потенцијално опасни вселенски летала во ниската орбита на Земјата.
„Спејс-екс“ потврди дека 100 постари сателити „старлинк“ од верзијата 1 ќе бидат отстранети во наредните недели и месеци, со цел да се одржи вселената. Планот е веќе објавен, а компанијата нагласува дека овој потег е вистинската работа во обид да се одржи просторот безбеден и одржлив.
Одлуката беше донесена откако тимот на „Спејс-екс“ идентификува заеднички проблем со мал број сателити, што може да ја зголеми можноста за неуспех во иднина, а со тоа да ја изгуби способноста да ги премести од патот на другите вселенски летала. Операцијата за отстранување на сателитите од орбитата треба да трае шест месеци.
„Спејс-екс“ ќе ги следи позициите на сателитите и ќе ги споделува податоците со другите оператори на вселенски летала, како и со оние што вршат лансирање, за да не им пречат на другите вселенски летала додека паѓаат во атмосферата. Беше посочено дека сите сателити ќе имаат можност да контролираат и избегнуваат судири при спуштање. Сателитите „старлинк“ се дизајнирани за автономни маневри за да им се тргнат од патот на другите вселенски летала и да се потпрат на податоците од Американската вселенска агенција и комерцијалната вселенска компанија „Леолабс“.
Помеѓу 1 јуни и 30 ноември 2023 година, сателитите „старлинк“ направија 24.410 маневри за да избегнат судири, во просек околу шест маневри по сателит. Иако е висока, таа бројка опаѓа, но некои од експертите сепак се загрижени. Меѓу нив е и Хју Луис, кој е загрижен поради големиот број сателити и сигурната контрола над нив. Тој смета дека постои ризик од судир.
Сите сателити „старлинк“ се дизајнирани самостојно да паднат во атмосферата на Земјата во рок од пет години од лансирањето, по што целосно изгоруваат. Затоа, ризикот од паѓање на делови на Земјата е нула. Иако 100 сателити звучат како многу, треба да се земе предвид фактот дека „Спејс-екс“ моментално има 5.438 сателити „старлинк“ во орбитата и има лиценца да лансира 12.000 од нив. Исто така, компанијата сака да ја прошири својата флота на 40.000 сателити.
