![](https://novamakedonija.com.mk/wp-content/uploads/2024/01/brzioot-voz-kina-cgtn-696x391.jpg)
Кинескиот прототип на интелигентен брз воз
Кина ќе го претстави прототипот на својот интелигентен брз воз ЦР450 во 2024 година, објави во вторникот Кинеската државна железница (China Railway).
Проектот за иновации на науката и технологијата ЦР450 е една од клучните национални научни програми наведени во 14-от петгодишен план на Кина (2021-2025). Потребни се огромно количество истражувања, симулации и тестови за да се отвори патот за развој на брзите возови од следната генерација.
Минатиот јуни, Кинеската железница го тестираше ЦР450 на брзата пруга Фужоу – Сјамен од Фукинг до Куанжу во југоисточната кинеска провинција Фуџијан. Возот на тестот возел со 453 километри на час. Неговата релативна брзина, измерена кога два воза се движат во спротивна насока, достигна дури 891 километар на час за време на тестот.
Во 2023 година, Кинеската железница целосно ги искористи оперативните предности на својата брза железничка мрежа и ги оптимизираше плановите за работа на возот, зголемувајќи го капацитетот за превоз на патници за време на шпицот.
Железничкиот сектор во земјата реализираше 3,68 милијарди патувања во текот на 2023 година, при што врвните дневни патувања надминаа 20 милиони патници, а просечните дневни патувања надминаа 10 милиони патници. Обемот на патничкиот сообраќај, и годишниот и во шпицот на денот, достигна рекордни високи бројки.
Во 2024 година, Кинеската железница е подготвена да ги продлабочи научнотехнолошките иновации во проектот ЦР450, унапредувајќи ги клучните технолошки истражувања за безбедноста на патувањето, клучната опрема, инфраструктурата и оперативните услуги. Групата, исто така, ќе ги забрза истражувањето и тестирањето на 5Г мрежната технологија во железницата и понатамошната работа на информациското поврзување.