Паднати дрвја останаа зад налетот на ветрот со брзина од повеќе од 100 километри на час што денеска го зафати поголемиот дел од северозападна Франција, каде што е издаден портокалов метео аларм во 14 департмани, прекини на струја, а има застој и во железничкиот сообраќај.
Без струја утринава останаа околу 75.000 потрошувачи, објави мрежниот оператор Енедис. Државната железничка компанија СНЦФ пријави потешкотии во сообраќајот поради дрвјата што лежат на шините. Циклонот наречен Жерар е „зимска бура типична за овој период од годината, но бара посебна претпазливост“, веат од Метео Франс, предвидувајќи „слабеење на неговиот интензитет“ во понеделник попладне.
Околу пладне „Метео Франс“ го задржа портокаловото ниво на тревога во 14 департмани поради силните ветрови. Наместа ветрот достигна брзина од 158 километри на час.
По невообичаено топлото време за јануари, Франција оваа недела доживеа заладување. Во наредните денови на југозапад се очекува уште едно невреме. Портокалова тревога е прогласена во два одделенија на централниот масив поради обилниот снег кој почна да паѓа во понеделник наутро и се очекува да остане на земја на надморска височина од 600 до 800 метри.
Обилен снег се очекува и на пониските надморски височини на повеќето планински масиви.
На североисток се очекува снег на висорамнините на височина од 300 до 400 м. Продолжува опаѓањето на температурата која претпладне генерално се движи од 1 до 5 Целзиусови степени, а на местата околу планините се враќа слабиот мраз.
