Животни
Пред да одлучите да имате зајак, мора да знаете дека овие крзнени миленичиња може да живеат и до десет години. Препорачливо е да се тестирате себеси и членовите на вашето семејство за алергии на влакна од зајаци, сено и прашина, за да нема непријатни изненадувања.
Првото правило кога чувате зајак е дека не треба да го чувате сам. Како и нивните роднини – ’рчковци, зајаците не треба да живеат само со луѓе. Им треба уште еден зајак за да не умрат од тага. Зајаците се многу живи миленичиња, па им треба простор од најмалку два квадратни метри, а треба да внимавате и на висината на куќиштето, бидејќи сакаат да скокаат. Исто така, многу од нив не сакаат затворени простори, па затоа е подобро да ги пуштите. Дефинитивно се препорачува да не ги оставате без надзор, бидејќи можат да уништат многу работи.
Зајаците не се секогаш тренирани да вршат нужда на едно место, па затоа можат да ги извалкаат просториите каде што ги пуштате. Во лето, кога температурите се високи, мора редовно да им го одржувате живеалиштето, бидејќи може да се чувствува силен мирис на урина.
Кога станува збор за исхраната на зајаците, тие можат да бидат многу пребирливи. Не ги сакаат сите видови сено и мора да ги храните неколкупати на ден. Тие бараат повеќе порции свеж зеленчук и сено во неограничени количества.
Овие крзнени миленичиња не се секогаш среќни и разиграни. Иако изгледаат нежно, не сакаат секогаш да се галат. Некои зајаци знаат да гризат или да ги гребат луѓето во близина ако нешто не им се допаѓа. Исто така, тие можат да бидат активни ноќе. Кога им е страв или досадно, тогаш знаат да клоцаат со задните шепи. Ако се затворени и им е досадно, ги гризат решетките, расфрлаат садови со храна и скокаат низ куќиштето, па не е лошо да размислите дали ќе бидат добри миленици ако имате деца.
