Руското Министерство за одбрана им постави нов ултиматум на украинските сили во Азовстал, пренесува „Би-би-си“.
– Руските вооружени сили, базирани исклучиво на хуманитарни принципи, уште еднаш предлагаат борците на националистичките баталјони и странските платеници да ги прекинат воените операции од 14 часот по московско време на 20 април и да го положат оружјето – соопшти руското Министерство за одбрана.
Ниту еден украински војник вчера не ја прифати истата понуда, се вели во соопштението на Министерството.
Градскиот совет на Мариупол во објава на Телеграм соопшти дека и покрај бројот на руски војници во градот, тие сепак не успеале да го освојат Мариупол, па затоа „сакаат да ја срамнат со земја“ фабриката за челик. Понатаму, се наведува дека Русија не ја одвратил фактот што во комплексот се засолнети и цивили.
Украинскиот претседател Владимир Зеленски рече дека ситуацијата и понатаму е тешка и непроменета, а судбината на десетици илјади цивили останува непозната.
Припадник на украинските сили во Мариупол на Фејсбук објави дека војниците „можеби ги живеат своите последни денови“ и ја повика меѓународната заедница да ги извлечат од опколениот град.
– Непријателот е десетпати поброен од нас – изјави Серхиј Волина од 36 морнаричка бригада лоцирана во челичарницата Азовстал во Марииупол.
