Украинскиот претседател Володимир Зеленски денеска го обвини Западот за недостаток на храброст додека неговата земја се бори, како што рече, да ја спречи руската инвазија.
-Денеска разговарав со бранителите на Мариупол. Јас сум во постојан контакт со нив. Нивната решителност, храброст и цврстина се зачудувачки – рече Зеленски во видео обраќањето, пренесено од американските медиуми.
– Кога само би имале еден отсто храброст оние кои 31 ден размислуваа како да предадат десетици авиони и тенкови – рече украинскиот претседател.
Американските медиуми пренесуваат дека воената помош од западните земји досега не вклучуваше борбени авиони, а предлогот за префрлање на полски авиони во Украина преку САД беше одбиен поради загриженоста на НАТО дека со тоа се вклучува во воен конфликт со Русија.
-Па кој е задолжен за евроатлантската заедница? Дали е тоа сè уште Москва, благодарение на нејзината тактика на заплашување – гласно се запраша Зеленски, додавајќи дека нивните сојузници мора да ја зголемат помошта за Украина.
