Хрватска
Хрватската влада ја ограничи цената на горивата. Дали тоа треба да се прави и со основните намирници, бидејќи се најавува поскапување на лебот за 20, а на млекото и на месото за 30 отсто? Како да се спречи сè повеќе граѓани да западнат во сиромаштија поради инфлацијата, но и поскапувањето? Енергетскиот експерт Игор Грозданиќ во емисијата „Во мрежата на Прва“ изјави дека на светската сцена се случуваат многу интересни, динамични и опасни процеси, кои се далеку од предизвикувачките во европските енергетски текови.
Всушност, ни дојде за наплата во одредена смисла заради негрижата за енергентите, за синџирите на снабдување, бидејќи не сме знаеле доволно долго да ја цениме енергијата – вели експертот за енергетика Игор Грозданиќ.
Тој се осврна и на пазарот на нафтените деривати.
Овде цените повторно се покачија и ја поздравувам одлуката на Владата од една страна да ги фиксира цените на обичните горива, кои се доста квалитетни, но апелирам до Владата да не го чепка пазарот на т.н. премиум-горива, кои се исклучително важни за целиот пазар, и не само за нафтените деривати туку и за енергетскиот сектор воопшто. Ако премиум-горивата замрзнат, тие горива едноставно ќе завршат во околните земји. А тоа се горивата за поновите возила – нагласи тој.
Енергетскиот експерт рече дека секогаш има шпекуланти, но дека побарувачката за нафта расте и дека е оправдана приказната дека нафтата може да достигне над 100 долари за барел.
