Претседателот на Светската атлетска федерција (ИААФ), Лордот Себастијан Коу, утре и в понеделник ќе престојува во Скопје како специјален гостин на Атлетската федерација на Македонија (АФМ).
Лордот Коу доаѓа во Македонија по повододбележувањето на 70 години од постоењето наАФМ, а ќе присуствува и на централната свеченост в недела.
Претседетелот на АФМ, Крсто Серафимовски, наведе дека ова е првпат претседател на ИААФ да ја посети Македонија.
– Лордот Коу е една од највисоките личности во светот на спортот воопшто и неговото доаѓање во Скопје и во Македонија е голема чест и признание за нас – истакна Серафимовски.
Високиот гостин предвидено е да се сретне со претседателот на Македонскиот олимписки комитет, Васил Тупурковски, претседателот на Агенцијата за млади и спорт, Дарко Каевски, како и со други личности од спортот и од општествениот живот на Македонија.
