Градоначалничката на Битола, Наташа Петровска ја прифати иницијативата на опозицијата за свикување на вонредна седница на Советот, која ќе биде посветена на аерозагдувањето на воздухот во Битола.
По енормното загадување на воздухот во Битола, политичките партии во градот под Пелистер последните денови водат бескомпромисна политичка битка за загадувањето на воздухот.
Пред два дена активистите на советничкта група „Поинаку“ со фрлање јајца и камења кон општинската зграда го искажаа својот револт од состојбите со загадувањето на воздухот во Битола.
Во врска со загадувањето на воздухот во Битола последните денови активна станаа и Унијата на жени на ВМРО-ДПМНЕ, младите социјалдемократи и граѓанските здруженија кои повикуваат на масовни протести. М.М.
