Три комитети на Претставничкиот дом на Конгресот, предводени од демократите, издадоа судска покана за државниот секретар на САД, Мајк Помпео, со цел да го принудат да ги предаде документите поврзани со контакти со украинската Влада, пренесува „Ројтерс“.
Тоа се комитетите за надворешни и разузнавачки работи, како и Надзорниот комитет, кој исто така закажа расправи за петмина функционери на Стејт департментот во текот на следните две недели.
Меѓу нив се поранешната амбасадорка на САД во Украина, Мери Јованович, амбасадорот Курт Волкер, американскиот специјален претставник за Украина и американскиот амбасадор во ЕУ, Гордон Сандленд.
