Во голем пожар во Дака, престолнината на Бангладеш, изгореа повеќе од 15.000 домови, а 50.000 луѓе останаа без покрив на главата.
Пожарот избувнал во сиромашна населба, каде поголем дел од бараките се изградени од лесно запаллива материја, пренесе Би-би-си.
Според податоците, нема загинати, а неколку луѓе се потешко повредени.
Причината за пожарот не е позната, а владата на Бангладеш најави помош на сите кои останаа без своите домови.
