Македонската химна изведена од Тамара Тодевска, без споменување на Гоце Делчев, Питу Гули, Даме Груев и Јане Сандански, за време на синоќешниот прием во амбасадата на САД по повод Денот на независноста на САД – 4 Јули, предизвика реакции во македонската јавност, отворајќи повеќе прашања.
Обединетата македонска дијаспора повика на итно изјаснување и извинување од страна на амбасадата на САД во Македонија за неприфатливата верзија ан македонската национална химна испеана од Тамара Тодевска за време на годишниот прием по повод Денот на независноста на САД – 4 Јули.
– Во верзијата на Тодевска беа отстранети цел значаен дел од химната, кои се однесуваа на борците за независност на Македонија, Гоце Делчев, Питу Гули, Даме Груев и Јане Сандански. Тодевска јавно треба да се извини за оваа грешка – се вели во соопштението.
Live from the official ceremony of the U.S. Independence Day celebration at the U.S. Embassy in North Macedonia. Thank you to contacts and friends for joining us this evening.
Posted by U.S. Embassy North Macedonia on Среда, 03 јули 2019
ОМД цврсто верува дека ова не е грешка, дека делот од химната бил изоставен намерно поради некои повици за промена на химната на Македонија, бидејќи Бугарија инсистира на тоа овие историски личности да бидат етикетирани како бугарски, во учебниците за историја на Македонија. Бугарија се закани дека ќе го блокира патот на Македонија кон ЕУ ако овие барања не бидат исполнети.
– Без формално извинување од страна на Американската амбасада, САД ќе се гледа како да заземат страна во оваа бесмислена историска дебата, која ја предизвика Бугарија. Химната на САД е банери со ѕвезди и исто како и почитуваните понудени на САД, Америка треба да покаже иста почит за време на државните празници, особено во земјите кои се наши сојузници во НАТО.
Во прилог на писмото до Микаела Швајцер-Блум од амбасадата на САД, ОМД го информираше Стејт департментот на САД, Комитетот за надворешни работи на Сенатот, Комитетот за надворешни работи на Претставничкиот Дом и Конгресната група за Македонија и македонско-американската заедница, се додава во соопштението.
