Поранешен припадник на албанската специјална армиска единица „командоси“, кој служел во Ирак и Авганистан во 2011 година, денеска е уапсен од страна на Антитерористичката канцеларија на Државната полиција.
Станува збор за Ерзен Ука(29) које уапсен под обвинение за радикални тенденции и поттикнување омраза со цел извршување терористички дејства. Исто така тој е обвинет и за обука на деца за извршување терористички акти.
Ука се смета за лице со висок ризик. Полицијата соопшти дека е под надзор од 2017 година.
Тој е родум од градот Круја, живеел во Тирана, разведен. По разводот, старателството на двете деца го добила поранешната сопруга, но судската одлука не била спроведена. Претходно одговарал за семејно наслство и непочтување на судска одлука.
На неговиот профил на Фејсбук објавувал и споделувал видео записи и фотографии кои промовираат и пропагираат терористички прекршоци.
При контрола на неговиот стан, полицијата пронашла и запленила и боева муниција.
