По падот на американската вселенска сонда „Одисеја“, се очекува прекин на комуникацијата. Комуникациите со приватната американска вселенска сонда „Одисеја“ се очекува да бидат изгубени денеска, со што практично ќе заврши нејзината мисија пет дена по слетувањето, соопшти американската компанија „Интуитив машинс“.
Директорите на компанијата во петокот, ден откако „Одисеја“ стигна до јужниот пол на Месечината, изјавија дека научната опрема на леталото ќе биде оперативна девет-десет дена според „најдоброто сценарио“, како што објави „Ројтерс“.
Сепак, компанијата призна дека леталото слетало странично на површината на Месечината по грешка во навигацијата, ограничувајќи ја изложеноста на соларните панели на достапна сончева светлина.
Компанијата со седиште во Хјустон објави дека контролорите на летот имаат намера да собираат податоци сѐ додека соларните панели на авионот се изложени на светлина.
