Група гранџ-икони од Сиетл пред 2000 година, вклучувајќи ги басистот на „Нирвана“, Крист Новоселиќ, гитаристот на „Саундгарден“, Ким Тајил, и тапанарот на „Перл Џем“/„Саундгарден“, Мет Камерон – формираа нова супергрупа наречена „Трд сикрет“ и, без претходно да го најават, го снимија и го издадоа својот прв албум на изненадување на многу нивни обожаватели.
Овој албум, кој содржи 11 песни, ја претставува еволуцијата на класичните гранџ и алт-рок звуци, но со додадени елементи на фолк-рок, хард-рок и блуз. Обожавателите на оригиналните бендови ќе ги препознаат одгласите на звукот од 1990-тите години, но на нов начин, а тоа е, меѓу другото, затоа што за продукцијата беше задолжен Џек Ендино, долгогодишен соработник на овие бендови.
Албумот беше издаден како независно издание, кое во моментов може да се слуша на Јутјуб и Спотифај, а подоцна ќе биде достапен и на други стриминг-сервиси, а и како физичко издание. Поранешниот басист на „Нирвана“, Новоселиќ, во февруари на Твитер навести дека снима албум, но подоцна го избриша твитот, па објавувањето на албумот беше вистинско изненадување за сите обожаватели.
