Ако вашето патување некогаш ве однесе до Галиција, Шпанија, не пропуштајте го бесплатното патување до Плаја де лас Катедралес. Станува збор за карпеста градба за која се погрижила природата, а овој магичен изглед на карпи високи 30 метри послужил како инспирација за многу архитекти и уметници при изградбата на готски катедрали. Оваа плажа е потопена во морето и е видлива само двапати на ден. Таа е еден од најголемите природни споменици во Шпанија.
Природните куполи во Плаја де лас Катедралес нудат необичен пејзаж со сводови што го тераат посетителот да се прашува за моќта и убавината на природата. Вистинското име на плажата е Плажа на светите води, а нејзините карпи се високи дури 30 метри. Поради природниот изглед и сличноста со сакралните градби, многу уметници и архитекти го имитирале во некои од најголемите готски катедрали во Шпанија, вклучувајќи ја и блиската катедрала „Сантијаго де Компостела“. Сегашна форма е изградена со постојаното удирање на брановите за време на движењето на плимата и осеката. Поради кревкоста на сводовите останале само неколку од нив.
По оваа магична плажа можете да шетате само двапати на ден, за време на плима, а доколку дојдете на локацијата за време на плима, многу е сигурно дека поголемиот дел од карпите ќе бидат потопени. Плажата се наоѓа во северозападниот регион на Галиција, во близината на градовите Ла Коруња и Луго. Таа е на само час и половина оддалечена од Ла Коруња со автомобил. Нема да мора да плаќате за прошетка на магичната плажа, иако во текот на летните месеци треба однапред да го резервирате вашето пристигнување.
